Iwwert den Tellerrand · 18. März 2025

Déi modern Diplomatie huet en neie Stadium vun Effizienz erreecht – keng laang Verhandlungen, keng penibel Sëtzungen hannert zouenen Dieren, a keng komplizéiert Protokoller méi. Via X (Ex-Twitter) hu Ruanda an d’Belsch gëschter hir diplomatesch Bezéiungen kurz und schmerzlos ofgebrach. Lëtzebuerg ass an enger Féckmillchen: Bréissel liken oder Kigali retweeten?

Iwwert den Tellerrand · 14. März 2025

Hätt déi belsch Zeitung "De Standard" net iwwert d’Blockad vum Xavier Bettel bericht, wier d’Virgoensweis vu Lëtzebuerg um Conseil vun den EU-Ausseministeren vum 24. Februar 2025 géintiwwer Ruanda an der Terrorgrupp M23 nees ënnert den Teppech gekiert ginn. Fir mech ass dee Konflikt méi wéi just eng Noriicht. Meng familiär Wuerzelen an dëser Regioun maachen en zu engem Deel vu menger eegener Geschicht.

Gestëppels · 02. März 2025

An enger Zäit wou politesch Decisioune eigentlech op rational Tatsaachen an op Fakte baséiere solltenn, schéngt Lëtzebuerg en anere Wee anzeschloen. De neie Luc a säin Inneminister Léon Gloden hunn viru kuerzem mat hiren emotionalen Aussoen fir Opreegung gesuergt. Wärend beim Premier Luc "Tréinen do waren" mécht de Léon Gloden "Politik aus dem Geträips". Ass de gesonde Mënscheverstand net méi gefrot?

Gestëppels · 17. Februar 2025

Wat wär d'Politik ouni eng zolidd Portioun Hypokrisie a Süffisanz? Zwee Begrëffer, déi an der Politik Hand an Hand ginn, wéi Ierbessen a Muerten. Den CSV-Fraktiounspresident Marc Spautz werft dem US-President Donald Trump an engem rezente Gaaschtbeitrag am "Wort" vir, ze vill CEOen a senger Regierung ze hunn, déi d'USA wéi ee Konzern regéiere géifen. Awer wat ass mam CEO vu Lëtzebuerg?

Gestëppels · 12. Februar 2025

Laang hunn déi europäesch Konsumente missten drop waarden - elo ass et endlech Realitéit. Wat an den asiatesche Länner längst zum Alldag gehéiert, mécht d'Europäesche Kommissioun mat hirem Reglement (EU) 2025/89 lo méiglech. Rieds ass vun der Legaliséierung vu Mielwuermpolver an eise Liewensmëttelen.

Gestëppels · 10. Februar 2025

Muncherengem ass de faarwege Calicot vun der Natur- a Forstverwaltung sécher schonn opgefall. Dat artistescht Meeschterwierk ass strategesch virum Agang vum Bësch opgeriicht, fir Wanderer, Bëschcyclisten, Champignonsfrënn an Jogger ze warnen, dass et geféierlech ass, an de Bësch ze goen, well onverhofft Mottoseeën an Holzfäller laueren.

Gestëppels · 22. Januar 2025

Wärend déi meescht vun eis am Déifschlof sinn, verwandelt de Findel, eise gudden ale Lëtzebuerger Fluchhafen, sech an eng lieweg Metropol fir Nuetseilen. Mat beandrockenden 3.044 Flich, déi d'Nuetsfluchverbuet 2024 verletzt hunn, erlieft Lëtzebuerg e Comeback vum Schlofmangel.

Soziales · 21. Januar 2025

Gëschter war en historeschen Dag fir d'HUT ("Hëllef um Terrain"), déi nei Net-Regierungsorganisatioun ënner der Fuchtel vun der ... Regierung, déi sech fir d'Bekämpfung vum mënschleche Leed asetzt. D'Press annoncéiert houfreg: D'HUT huet hiren éischte Generaldirekter ernannt. Gëtt de Bock zum Gäertner gemaach?

Gestëppels · 10. Januar 2025

Um Neijoschempfang vun der CSV huet de neie #Luc ganz houfreg d'Bilanz iwwert ee Joer CSV-Regierung gezunn a behaapt: "D'CSV huet d'Liewe vun de Leit scho besser gemaach." Dat stëmmt!

Gestëppels · 14. Dezember 2024

Spéitstens wann déi éischt Boxemännercher am September, direkt no der Summervakanz, an de Butteker opdauchen, ass et jidderengem kloer: Chrëschtdag steet virun der Dier. Et sinn dann zwar nach iwwer dräi Méint bis Chrëschtdag, mee sou huet ee genuch Zäit, sech op déi besënnlech Zäit vun der Baarmhäerzegkeet a vum Fridden an natierlech op déi gastronomesch Eskapade virzebereeden.